Utkrushta Kamacha Dhyas Ghya ( उत्कृष्ट कामाचा ध्यास घ्या ) By H A Bhave

उत्कृष्ट कामाचा ध्यास घ्या  

           ह. अ. भावे यांच्या या प्रेरणादायी ग्रंथात तरुणांना त्यांच्या जीवनातील प्रत्येक कार्य उत्तम, उत्कृष्ट आणि तल्लखपणे करण्याचा संदेश दिला आहे. उत्कृष्ट काम करणाऱ्याच्या मागे यश आपोआप धावून येते. हा या पुस्तकाचा मुख्य आधार आहे.

          लेखक सांगतात की कौशल्यवृद्धी, नव्या कल्पनांचा स्वीकार आणि व्यवसायात सतत बदल हे प्रत्येक उद्योजकाने व तरुणाने अंगी बाणवलेच पाहिजेत. साप जुनी कात टाकतो, त्याप्रमाणे आपणही जुन्या पद्धती सोडून नवनव्या मार्गांनी प्रगती करावी.फक्त पैसा मिळवणे हेच ध्येय न ठेवता आपल्या कामातून समाजाचे आणि देशाचे भले होत आहे का, हे पाहणे गरजेचे आहे. स्वातंत्र्यपूर्व काळातील ध्येयाप्रमाणेच आज भारताला बलशाली बनवणे हे तरुणांचे ध्येय असले पाहिजे. कठोर परिश्रमाबरोबर विश्रांती, करमणूक आणि आत्मविकास यांचे संतुलन साधणे हे प्रगतीचे गमक आहे. २१ व्या शतकात तुमची खरी संपत्ती म्हणजे तुमचे कौशल्य. डॉक्टर, वकील, लेखक, कलाकार हे सगळे आपल्या गुणांची विक्री करूनच उंची गाठतात. हे पुस्तक त्या प्रत्येक तरुणासाठी आवश्यक आहे जो साध्यापेक्षा श्रेष्ठ, चांगल्यापेक्षा उत्कृष्ट बनण्याचा निर्धार करतो.