Neta Vyavasthapak Asato | नेता व्यवस्थापक असतो |Leadership & Management Skills for Personal and Social Success| Management Skills Books In Marathi

नेता व्यवस्थापक असतो

       हे पुस्तक नेतृत्व म्हणजे केवळ राजकारण नव्हे, तर जीवनातील प्रत्येक क्षेत्रातील व्यवस्थापन कौशल्य असल्याचे ठामपणे मांडते. समाजातील प्रत्येक माणूस नेता होऊ शकत नाही; पण नेतृत्वाची क्षमता असलेली माणसे किमान १०% तरी समाजात असतात. महत्त्वाची बाब म्हणजे,नेतृत्व हे जन्मजात नसून शिकता येणारे कौशल्य आहे. ह. अ. भावे यांनी या पुस्तकात अत्यंत सोप्या, उदाहरणप्रधान भाषेत हे स्पष्ट केले आहे.

      चाणक्याच्या सुप्रसिद्ध सुभाषिताचा आधार घेत लेखक प्राण्यांकडून शिकता येणारे २० नेतृत्वगुण उलगडून सांगतात. 'सिंहाचे धैर्य, बगळ्याची एकाग्रता, कोंबड्याचे नियोजन, कावळ्याची सावधगिरी, कुत्र्याची निष्ठा आणि गाढवाची सहनशक्ती' !या गुणांबरोबरच महत्त्वाकांक्षा, स्वावलंबन, शुभविचार, आणि समाजभान हे गुण नेत्यासाठी अनिवार्य आहेत. महात्मा गांधींसारख्या महान नेत्यांचे गुणही विशिष्ट वयानंतर विकसित झाले, यावरून कोणत्याही वयात नेता बनणे शक्य आहे, हे लेखक ठासून सांगतात.

          गणेशोत्सव असो, स्नेहसंमेलन असो किंवा एखादी सामाजिक जबाबदारी, जो माणूस कामे ओळखतो, लोकांना कामाला लावतो आणि व्यवस्था उभी करतो, तोच खरा नेता व व्यवस्थापक असतो. हे पुस्तक विद्यार्थ्यांसाठी, तरुणांसाठी, उद्योजकांसाठी, सामाजिक कार्यकर्त्यांसाठी आणि स्वतःचा विकास करू इच्छिणाऱ्या प्रत्येकासाठी मार्गदर्शक ठरेल.