Kavivarya Bhushan Virachit Shivabavani(कविवर्य भूषण विरचित शिवबावनी) By G S Sardesai

हिंदी साहित्यात चंदकृत पृथ्वीराजरासा व भूषणाचा ग्रंथ 'शिवराज भूषण' यांची योग्यता सर्वात मोठी मानली जाते. दोहोंतही मुख्यतः वीर, रौद्र व भयानक हे रस प्रधान आहेत. त्यातही भूषणाने श्रीशिवाजी महाराज व छत्रसाल बुंदेला हे दोन भारतमुखोज्ज्चलकारी वीरपुरुष पसंत करून, त्यांच्या वर्णनात आपली कवित्वशक्ती उपयोजिली.
         भूषणाचे मुख्य चार ग्रंथ प्रसिद्ध आहेत. 1 शिवराज भूषण, 2 भूषण हजारा, 3 भूषण उल्लास व 4 दूषण उल्लास. पैकी शेवटचे तीन अद्यापही मुद्रित नाहीत. 'शिवाबावनी' म्हणून आणखी एक त्याचा ग्रंथ आहे, तो स्वतंत्र आहे की वरील एखाद्यात समाविष्ट आहे ते सांगता येत नाही. आणखीही दुसरे ग्रंथ भूषणाचे बरेच असले पाहिजेत.